SARGA
VI
WICARA
LAN PAMIDANDA
Palet
1
INDIK
WICARA
Pawos
79
1.
Sane wenang mawosin makadi mutusang wicara
ring Desa inggih punika: Prajuru/Dulun Desa sinaggeh Kertha Desa.
2.
Prade sang mawicara tan wenten cumpu ring
pamutus Kertha Desa, kengin nunasang wicara inucap ring Sang Mawarat.
Pawos
80.
1.
Sahanan wicara mawiwit kacorahan sakaluire
sinaggeh mamurug daging awig-awig, paswara miwah pararem Desa miwah Banjar.
Prajuru Dulun Desa patut digelis mawosin tan nyantos pasadok.
2.
Sajaba wicara makadi ring ajeng patut
nyantosang pasadok sang nunas bawos.
3.
Panepase patut pastika nyantenang iwang
patut malarapan Tri Pramana (saksi, ilikita, bukti) miwah tan maren nepek ring
catur dresta (sastra dresta, loka dresta, kuna dresta, desa dresta).
Palet
2
INDIK
PAMIDANDA
Pawos
81
1.
Desa miwah Banjar wenang niwakang pamidanda
ring Krama sane sisip.
2.
Paniwak inucap kalaksanayang olih Kelihan
Desa miwah Kelihan Banjar.
3.
Bacakan pamidanda Iuire a. Ayahan panukun
kasisipan. n. Danda artha (dosa Banda saha panikel-panikelnya miwah
panikel-panikel urunan). c. Rarampagan. r. Kadaut karang ayahannya. k. Kasepekang.
d. Temah utawi Dewa Saksi. s. Kanorayang.
4.
Pamidanda sane katiwakang patut masor
singgih manut ring kasisipan.
5.
Jinah utawi artha-brana pamidanda
ngeranjing dados druwen Desa miwah Banjar.
6.
Yening wenten druwen Desa ical tan keni tut
utawi tan keneng serep patut kakaryanang temah.
Pawos
82
1.
Krama sane rangkung ring tigang paruman
ngelantur tan nawur urunan miwah dadendan wenang karampag.
2.
Rarampagan nganggen tata-cara kadi ring sor:
a. Kalaksanayang antuk Prajuru/Dulun Desa kasarengin antuk Krama tigang diri
maka saksi. n. Sang ngarampag sangkaning
darsana ngambil barang utawi nyawenin tanem tuwuh, akehnya manut ring hutang
sang karampag. c. Prajuru/Dulun Desa
miteketang mangda barang-barang sane karampag digelis katebus masengker tigang
wuku, ring kalih likur (22) rahinane pacang kadol. r. Tan ngeninin sakaluiring
barang sane patut inggilang manut agama miwah ngemademang pangupa jiwa sang
karampag.
Pawos
83
1.
Prade sang pacang karampag ngawara utawi
mialang pamargine inucap, mawastu sampun tan nganutin Awig-Awig Desa, wenang
karang ayahan Desa sane kagenahin kadaut antuk Desa.
2.
Samalih yan purun taler ngalangin pamargine
kadi ring ajeng, tan wenten pamargi malih sajawaning kasepekang antuk Krama
Desane sami, tur wicaranya katur ring Sang Mawarat.
3.
Pamidanda inucap ring ajeng, keni buntas
risampun sang kakeninin: a. Nunas gang pangampura ring Krama Desane riantukan
nguak pasubayane nguni (pararem pecak). n.
Nawur pangargan panguak pasubayane duk pacang karampag kadulurin prayascita
panyapsap kaiwangane ring Desa.
INDEKS:
No comments:
Post a Comment